O grao elemental dos ensinos de música contribuirá a desenvolver no alumnado as seguintes capacidades.

– Apreciar a importancia da música como linguaxe artística e media de expresión cultural dos pobos e das persoas.

– Expresarse con sensibilidade musical e estética para interpretar a música de diferentes épocas e estilos, gozar con ela e enriquecer as propias posibilidades de comunicación e de realización persoal.

– Coñecer e valorar a importancia da respiración e do dominio do propio corpo no desenvolvemento da técnica instrumental, da calidade do son e da interpretación.

– Relacionar os coñecementos musicais coas características da escritura e da literatura do instrumento da especialidade, coa finalidade de adquirir as bases que permitan desenvolver a interpretación artística.

– Interpretar en público, coa necesaria seguridade en si mesmo, para vivir a música como medio de comunicación.

– Interpretar música en grupo habituándose a escoitar outras voces ou instrumentos, e adaptarse armónicamente ao conxunto.

– Ser consciente da importancia do traballo individual e adquirir a capacidade de escoitarse e ser crítico consigo mesmo.

– Valorar o silencio como elemento indispensable para o desenvolvemento da concentración, a audición interna e o pensamento musical.

– Ser consciente da importancia dunha escoita activa como base imprescindible na formación de futuros profesionais.

– Fomentar a utilización do patrimonio musical en xeral, e a do galego en particular, como medio indispensable no enriquecemento da persoa e da súa formación musical.

• • • Piano

    • Guitarra

    • Baixo e Guitarra eléctrica

• • • Linguaxe musical (2 h. semanais)

    • Educación auditiva e vocal (1 h. semanal)

• • • Instrumento (1 h. semanal)

Para acceder aos ensinos de grao elemental de música será requisito imprescindible superar unha proba específica de acceso, que garanta os principios de igualdade, mérito e capacidade.

O procedemento de acceso ao primeiro curso de grao elemental atenderá exclusivamente á avaliación das aptitudes musicais de acódelas aspirantes e á idade idónea para iniciar os seus estudos nas especialidades instrumentais. En todo caso, a idade mínima de acceso será de oito anos e a máxima de catorce anos, cumpridos ou por cumprir dentro do ano natural.

A proba para avaliar as aptitudes musicais incluirá, polo menos, os seguintes aspectos:

a) Exercicio para avaliar a aptitude rítmica.

b) Exercicio para avaliar a aptitude auditiva e vocal.

c) Exercicio para avaliar a aptitude psicomotriz.